၂၀၁၇ခုနှစ်၊ စက်တင်ဘာလ (၁၀)ရက်နေ့၊ ရန်ကုန်မြို့ Lotte Hotels & Resorts, Yangon (Grand Ballroom) ၌ ၀ိသာခါ ဖောင်ဒေးရှင်း၏ Charity Gala Dinner ကို စည်ကားသိုက်မြိုက်စွာ ကျင်းပခဲ့ပါသည်။ နိုင်ငံတော် သမ္မတ၏ ဇနီး ဒေါ်စုစုလွင်မှ ၀ိသာခါဖောင်ဒေးရှင်း Charity Gala Dinner အတွက် သဝဏ်လွှာကို ပေးပို့ခဲ့ပါသည်။ အခမ်းအနားသို့ သာသနာရေးနှင့် ယဉ်ကျေးမှု ၀န်ကြီး ဌာန ပြည်ထောင်စုဝန်ကြီး သူရဦး အောင်ကိုနှင့် ဇနီး၊ လျှပ်စစ်၊ စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်၊ ရခိုင်တိုင်းရင်းသား လူမျိုးရေးရာ ၀န်ကြီး ဦးဇော်အေးမောင်နှင့် ဇနီး၊ နေပြည်တော်မှ တကူးတက တက်ရောက်ပေးပါသော ပြည်ထောင်စုဝန်ကြီးများ၏ ဇနီးများ၊ ပြည်ထောင်စုသမ္မတ မြန်မာနိုင်ငံတော်ဆိုင်ရာ တရုတ်ပြည်သူ့ သမ္မတ နိုင်ငံ သံရုံးမှ သံအမတ်ကြီး H.E Mr. Hong Liang နှင့်ဇနီး ၊ ဂုဏ်သရေရှိ လူကြီးမင်းများ တက်ရောက် ခဲ့ကြပါသည်။ ထို့အပြင် “ ကူညီသောလက်များမှသည် ကောင်းမွန်တောက်ပသော အနာဂတ်များဆီသို့” ရုပ်ရှင်ဇာတ်လမ်းတိုကို ပြသခဲ့ပြီး တေးသံရှင် နီနီခင်ဇော်မှ ၀ိသာခါ Theme Song ကို လည်းကောင်း၊ ကိုဇော်ပိုင် ၊ အိမ့်ချစ်နှင့် ဖြိုးပြည့်စုံတို့မှ တေးသီချင်းများ သီဆိုပေးခဲ့ပြီး အခမ်းအနားကို အောင်မြင်စွာရုတ်သိမ်းခဲ့ပါသည်။
ဝိသာခါဖောင်ဒေးရှင်း မှ ပဲခူးတိုင်းဒေသကြီး၊ ရေတာရှည်မြို့၊ သီတဂူကျောင်းတိုက်ရှိ ဝိသာခါ အမျိုးသမီး အသက်မွေးဝမ်းကျောင်း ပရဟိတ ပညာသင်ကျောင်းတွင် မြန်မာ စီးပွားရေး လုပ်ငန်းရှင် အမျိုးသမီးများ ကွန်ယက် (MYANWEN) နှင့် Rotary Club of Victory Myanmar တို့ နှင့်ပူးပေါင်းပြီး ဖွင့်လှစ်သင်ကြား ပေးသည့် Office Administrative Skills Training သင်တန်း နှင့် စက်ချုပ်သင်တန်း အမှတ်စဉ် (၁) သင်တန်းဆင်းပွဲ အခမ်းအနား
ဝေဘာဂီ အထူးကု ဆေးရုံကြီး( မြောက်ဥက္ကလာပမြို့နယ် )တွင် အရေးပေါ်လိုအပ်လျက်ရှိသော US dollar -6500 တန်ဖိုးရှိ Philips Cardiac Defibrillator DFM100 နှလုံး နိုးစက်ကို အပူပိုင်း နှင့် ကူးစက် ရောဂါ ပညာ ဌာန Professor Dr. ဒေါ် စပယ် ဖြူ ထံသို့ ပေးအပ်လှူဒါန်းခြင်း
